Back Kanji-Kentei German Kanji Kentei English Kanji kentei shiken Spanish Kanken French Kandzsi kentei Hungarian Kanji Kentei IG 日本漢字能力検定 Japanese იაპონური კანჯის კომპეტენციათა ტესტი Georgian Ujian Kemahiran dalam Tulisan Kanji Jepun Malay Kanji kentei Polish
El Test Xaponés d'Aptitú en Kanji (日本漢字能力検定試験 Nihon Kanji Nōryoku Kentei Shiken?), tamién conocíu como Kanji Kentei (漢字検定?), o Kanken (漢検?), ye una prueba d'aptitú na conocencia de los kanji. El Kanken ye un exame del nivel de llectura, escritura y correutu emplegu de los kanji.
Esisten 12 niveles distintos, siendo'l más fácil el nivel 10 y el más difícil el nivel 1, cola inclusión de niveles entrepolaos pre-2 y pre-1. Ta entamáu pola Fundación del Exame d'Aptitú de Kanji (財団法人日本漢字能力検定協会) y reconocíu oficialmente pol Ministeriu d'Educación Xaponés a partir del nivel 8. Dura 40 minutos pa los niveles entendíos ente'l 10 y el 8, y una hora pa los siguientes. Esíxese un porcentaxe de respuestes correutes del 80% pa los niveles entendíos ente'l 10 y el 8, el 70% pa los siguientes hasta'l pre-2 y de nuevu'l 80% pa los más avanzaos. El nivel 2 ye lo más alto que suel llegar un falante nativu, inclusive aquellos con una educación cimera, y supón una ventaya p'atopar emplegu o llograr beques. Los niveles pre-1 y 1 son desaxeradamente raros inclusive ente los mesmos xaponeses.
El Kanken namái esamina'l nivel de conocencia de kanji, polo que nun tien el mesmu oxetivu que'l Nōryoku shiken, pero puede sirvir de complementu. En principiu taba pensáu pa esaminar el nivel de los mesmos xaponeses, pero puede esaminase cualquier persona independientemente de la so nacionalidá. Esisten centros desaminadores fora de Xapón, pero los niveles pre-1 y 1 namái tán disponibles nos centros de Xapón. Cada añu celebren trés convocatories en febreru, xunu y ochobre.